Etikedoj

, , , , , , , ,

Ĉio iris tre bone ĝis nun. Do, kompreneble mi atendis kiam io fuŝiĝos. Kio okazis? Unu el niaj organizantoj forlasis la grupon. Nun ni restas kvinope. Mi povas diri, ke tio ne estis tute subita decido, aŭ grandega surprizo. Mi skribis pri tio pli frue, ke kelkaj homoj en la grupo estas pli sentemaj, kiam temas pri klaĉo aŭ se mi decidas ion, pli malfacile akceptas tion. Mi pensas, ke tio estis du kaŭzoj. Oficiala klarigo ne venis, nur io pri energio, ke organizado forprenas tro de ŝli, kaj sentas tiel, ke ŝli ne donas sufiĉe al la renkontiĝo mem. Kion eblas fari? Ne, vi restu!? Aŭ kiel vi povas tion fari al la teamo?! Sed kial?! Ni estas volontuloj. Ĉiuj, ĉefe estas mia respondeco, ke homoj tamen ne forlasu la teamon.

Jes, kompreneble , mi tre bedaŭras, ĉar ĉiuj en la teamo estas tre kapablaj, kaj laboras bone, same ŝli. La unu afero kiu ne plaĉis al mi rilatis al tio, ke ŝli simple diris, ke la kontribuo ne estis tiom multe, kaj ke ni ne bezonas ŝlian helpon, ĉar do tiujn aferojn oni ne bezonas en la programo. Ŝli reprenis la proponitajn programerojn kaj poste senkulpe (naive?) vere provis malbezonigi sin. Do, tio estas klara mensogo, evito de konflikto, kaj tio estas la unusola afero, kiu koleregis min.

Sed do kion fari? Mia krizo/paniko daŭris proksimume duonminuton kaj poste racie pripensis, ke iu (kiu?) devas trapreni taskojn. Tiu estas mi. Kompreneble mi ne ĝojegas pri tio, ĉar mia universitato estas tre streĉa, mi havas multe por fari, kaj miaj bazaj taskoj kiel kunordiganto estas ŝtopi truojn (multege da). Miaj taskoj ankaŭ ĉiam devas atendi ĝis la fino de la semajno por povi propre pripensi pri la solvoj. Samtempe la retpaĝo pretiĝas, kaj pri tio oni devas labori ankaŭ dumsemajne.

Tamen, eblas ion lerni de tiu sperto. Kaj ankaŭ pozitivajn aferojn. Ekzemple, se tio okazintus pli malfrue dum la jaro tio estas pli malbone por la renkontiĝo. Kaze, ke ne ĉio estas organizite ĝis tiam, kaj poste forlasas iu la teamon. Sed kial vi forlasus organizan teamon, se vi jam finis viajn taskojn? Kutime okazas antaŭ oni devas ion fari/rezultojn produkti. Nun ni iomete devas reorganizi la taskojn, mi devas pli pensi pri kiel ne superŝuti la tre okupatajn membrojn de la teamo per eĉ pli da laboro. Unue la retpaĝo, kaj do poste… Sed ni solvos ĉion, pri tio mi ne dubas. 

Advertisements